JAMI’IN DAN SANDA 11

Advertisement

 πŸ‘¨πŸ»β€πŸ”§  *JAMI’IN ‘DAN SANDA*.  πŸ‘¨πŸ»β€πŸ”§

πŸ…ΏοΈ_11

…………………….Sati biyu da rasuwar Abbana ya koma Lagos saboda aikinshi ,inda yabar Momma har ayi sadakar arba’in sai yazo sukama tare, Hakan kuwa akayi ana saura kwana biyu ayi arba’in saiga Abdurahaman ya sauka a garin Sokoto , Maryam tayi farinciki sosai da ganin mijinta , duk tabi ta rame saboda tunanin Inna Habiba da rashin mijinta a kusa , duk da tana samun kulawa daga wajan Inna Indo da Malam Muhammad hakan bai hanata shiga matsananciyar damuwa ba , saboda inba Habiba tayimata komai a rayuwa ita take gani a matsayin mahaifiyarta shiyasa duk sai taji gidan yafita ranta tana dai zaune ne kawai Hisham kuwa yayi bul-bul dashi Masha Allah yayi jiki sosai farinshi yak’ara fitowa , ga yalwan suma kamar dan indiyawa , 

Malam Muhammad ma yayi farinciki da ganin d’an nashi sosai, don yana tausayin Abdurahaman da Maryam sosai don yasan irin shak’uwar dake tsakaninsu da Inna Habiba ,

Kwanansa biyar a k’auyen suka tattara suka koma Lagos , 

Haka a rayuwa tayi ta juyawa yau fari gobe bak’i inda Abdurahaman yayi suna sosai da farinjini saboda yadda yake aikinshi cikin gaskiya da amana sosai akeji dashi agarin na Lagos yatara masoya masu dinbin yawa kamar yadda yatara mak’iya masu tarin yawa , don da yawa wad’an da basasonshi kama daga manyan masu kudi yan siyasa saboda shigema yaransu hanci da yakeyi dakuma wasu daga cikin *yan sanda* ‘bata gari wanda basa kishin kansu da kasarsu saboda tsabar bakin ciki da hassada. 


K’iyayyar da akema inspector Abdurahaman yasa har anfara farautar rayuwarsa ko ta ina anyi ta kafa mashi tarko amma cikin ikon Allah yana tsallake wa , ahaka kwanikka suka rinΖ™a shud’ewa sattika na wucewa hakama watanni da shekaru , 


Advertisements

*Bayan shekara 20*


Acikin wannan shekarun abubuwa da yawa sun faru ciki kuwa harda rasuwar malam Muhammadu shekaru takwas kenan da suka wuce , tun bayan rasuwar shi Abdurahaman ya k’auracewa Sokoto sam bayason zuwa garin sai doli hakama Maryam , suna jimawa sosai kamun su ziyarci garin , sai dai akai akai Abdurahaman yanama Inna Indo ake sosai kama daga kudi sutura ko kayan abinci , duk da kasancewar Abdullahi ma nada abunshi dai dai gwargwado kuma yana kulawa da mahaifiyarshi sosai hakan bai hana Abdurahaman yimata hidima ba amatsayinta na matar mahaifinshi kuma wani ‘bangare gwaggonshi , 


A wannan shekarar ne Hisham ya k’are karatunshi na secondry cikakken saurayi dan shekara 20 k’ak’k’arfa kuma shahararren Gaye Dan wanka ,yaro mai farinjinin samari da ‘yan mata , Hisham yaro ne kyakykyawa na bugawa a jarida , farine tass wanda har wani yellow yellow yakeyi , yanada manyan idanu wanda suke a lumshe koda yaushe ina har kaga idanunshi sun fito sosai tofa ranshi ne a ‘bace yanada dogon hanci sosai wanda yak’ara k’awata mashi fuskarshi, Hisham mutum ne mai fara’a sosai wanda yanada wuya kaga bacin ransa mutum ne Maison mutane sosai da wasa da dariya , yanada barkwanci sosai wanda ko iyayensa bai bariba haka ya mayar dasu kamar wasu kakanninshi wannan yasa mutane kesonshi sosai kowa nasa ne, 

mata kuwa kamar zasuyi hauka saboda Hisham amma shikam sam baya kulasu dukda yakeda sakin fuska amma sam baya bawa mace damar da zata furta mashi kalmar so , 


Idan ka ganshi zaka dauka yakai shekara 25 saboda yadda yake da manyan ga’b’bai ga tsayi irin na asalin jaruman maza ,

Ba karamin so iyayenshi ke mashi ba , gashi har zuwa lokacin ko ‘batan wata Momma bata k’ara yiba , shiyasa Suka dauki duk wani so da kauna suka d’ora akan Hisham , Hisham yarone mai tsananin hak’uri da tarbiya , da wuya kaga fad’anshi , sai in ta ‘baci amma yanada zuciya da rik’o sosai , sannan baya yafiya ga duk wani wanda yaci amanarsa , 

Yana tsananin son iyayenshi fiye da komai a rayuwa ,kamar yadda suma suke kaunarahi da alfaharin samun d’a kamarshi, 


Lokacin da takardun shi suka fito sunyi kyau sosai wannan yasa bai dauki lokaci ba ya jona karatunsa na digree a fannin computer, 

Advertisements


Yau ma kamar kullum ya dawo a gajiye saman mashin dinshi bayanshi kuma Ibrahim ne Abokinshi , wanda sau da yawa zaka gansu tare in baya gidansu Ibrahim to Ibrahim yana gidansu, sun shak’u sosai wanda har hakan yasa iyayensu suka kulla zumunci mai k’arfi a tsakaninsu, 


“Assalamu alaikum Momma! Momma , tun daga harabar gidan yake k’walamata kira har ya shigo cikin falon , ganin bata falon yasa yakoma bud’e murya yana fadin ” Momma wai kina ina ne”?


Fitowa tayi daga kitchen dafe da kanta ,tana zabga mashi harara tace “wai kai *shalele* sai yaushe zaka girma ne”


“Sai sanda kika haifamun k’ane Momma “


Yafad’a Yana dariya , Ibrahim ma dariyar yake don inda sabo yasaba da rigimar Momma da Hisham 


Harararshi tayi tace 

” Aikuwa sai dai karka girma d’in don Ni yanzu bawata haihuwa da zanyi,”


“Aikuwa wallahi zansa Abbana yayi aure don Ni k’anne nakeso ,kuma kinsan in nacewa Abbana yayi aure yi zaiyi  yafad’a cikin murtuk’e fuska kamar gaske,”


Sanin halinshi yasa Momma saurin karaya “tace kai Shalele yanzu sai kasa ayimun kishiya don dai kai baka kishina ko ,”


Duk yadda sukaso rik’e dariyarsu kasawa sukayi daga Hisham har Ibrahim dariya suka fashe dashi harda buga k’afa k’asa , suna mamakin kishin Momma sosai sam batason ayi mata zancan kishiya ko da kuwa cikin wasa ne , bare ita a ganinta Hisham zai iya sa Abbanshi ya k’ara aure saboda yadda yake matuk’ar kaunar yara , kuma tsaf tasan Abdurahaman zai iya yin duk abunda Hisham keso koda kuwa ita batason abun, shiyasa yake fakewa da hakan Yana zolayarta aduk lokacin da yakejin shak’iyancin shi, 


“Au dariyama nabaku ko, kuma wai Ibrahim harda kai kake biye mashi bayan kasan shi bawani sanin ciyon kanshi yayiba , tafad’a tana hararar Hisham ,”


Cikin dariya Ibrahim yace ” manta dashi Momma shima wasa yake ai Abba kam shi da aure sai a lahira in anayi ,”


“Injiwa”  cewar Abba da shigowar shi kenan yaji Ibrahim na wannan maganar , yayi maganar Yana dariya , 


Dariya sukayi dukkansu yayinda Hisham ya tashi da sauri ya rungume Abbanshi ,yana fadin “welcome Abba , “

“Yawwa son kana lafiya, ya school ?”

“Alhamdulillah Abba, 


Zama sukayi a kujera d’aya inda Hisham yake manne da Abban kamar wani yaron goye, har k’asa Ibrahim ya duk’a ya gayar da Abba , kamo hannunshi Abba yayi yana amsawa yace ” tashi mana Ibrahim zauna anan ya nuna masa kusa dashi inda sukasa Abban a tsakiya , fira suka ci gaba dayi inda Momma Takoma kitchen don k’arasa girkinta ,


Kallon Ibrahim Abba yayi yace Ibrahim kana kallona da abokinka sam yakasa cikamun burina ko , nayi lallashi har nagaji amma yaron nan ya kafe akan ra’ayinshi , nikuma harga Allah bani wani buri irin naga Hisham ya gajeni , ina matukar son wannan aiki nawa , shiyasa nayi sha’awar ace Hisham ya gajeni ta hanyar yin *aikin dan sanda* yazamo kamar Ni , kuma nasan a yadda yake da k’wazo da jajircewa zai zamo abun alfahari ga k’asarsa amma ina sam yakasa gane hakan ya kafe akan shi doli computer zai karanta , “


“Ayi hak’uri Abba asa mana albarka akan wannan din, tunda nima ba yadda banyi dashi ba akan ya daure yayi aikin nan kodon ya faranta maka amma ya kafe akan bayaso “


“To shikenan Ibrahim Allah yasa hakan shi yafi alkhairi,” 


“Amin dai Abban shalele ,Gara da Allah yasa bayason aikin nan , don Ni bashi ba wallahi ko kai da zakaji ta tawa da kabar aikin nan don sam babu kwanciyar hankali acikinshi ,mutum kullum cikin yimaka barazana ake amma ka kasa ganewa sai so da kakeyi ka dora d’anmu akai to bazai yiwuba wallahi naji dadin da baya ra’ayin wannan aikin , ” cewar Momma ,


Murmushi Abba yayi yace 

“Maryam kenan abinda nakeso ki fahimta shine shin idan har mukace zamu zuba idanu munaji muna gani ana zalunci a gari taya zamu samu zaman lafiya da kwanciyar hankali , idan har muka sanya tsoro a zukatan mu taya k’asa zatayi alfahari damu amatsayinmu na masu kare lafiyar al’umma har wasu su gani suyi koyi damu , babu sanda k’asarmu zataci gaba kenan matukar mukace zamu tsaya tsoron kar wani abu yafaru damu yayi tasiri a zukatan mu , k’asarmu cike take da azzalumai kala kala , babu wani babban laifi da ba’a mayar dashi ruwan dare ba a k’asar nan ,kisan kai , cin hanci nashawa, matsalar fyade, fashi da makami , satar mutane, wasu ayi garkuwa dasu wasu ayi tsafi dasu , shaye shaye ,abubuwa da yawa wanda in Zan lissafa maki su sai mu kwana munayi , kuma duk abubuwan nan zakiyi  mamakin idan aka ce maki duk dasa hannun manyan mu akeyi abun takaici manyan mu su suke lalata mana yara ta hanyoyi da dama su suke kawo masu kayan shaye shaye, makaman da suke fashi ko satar mutane haka lokacin siyasa zasu dibe makamai subama matansanmu surinka fad’a da junansu suna kashe junansu alhali su yaransu nacan kasashen waje suna holewarsu mu nan suna lalata mana tarbiyar yara suna amfani dasu wajan cimma burinsu ,kuma da sunci za’ben nan bazasu sake bi takansu ba sai kuma in wani zaben ya tashi ,munada matsala fannin ilimi fannin lafiya dakuma fannin tsaro wanda cin hanci da rashawa yasa munkasa samun cigaba a k’asarmu , abun nan nacimun tuwo a kwarya wallahi wannan yasa muka kafa wata k’ungiya ta sirri a tsakaninmu insha Allah zamuyi yak’i da masu gur’bata mana  yaranmu zamu kawo gyara insha Allah zamuyi kokari sosai wajan ganin mun fahimtar da matansanmu halin da suke ciki ko Allah zaisa. Su farka , inkuwa kanemi yimana taurin kai to tabbas zaka fuskanci hukunci daidai da abinda ka aikata , kedai kici gaba da tayamu da addu’a insha Allah ba abunda zai faru , dama can mafi yawa barazana ce kawai ba abunda zasu iya yi mana,



“To shikenan yaya Allah ya taimakeku akan niyarku ta alkhairi , Ni wallahi ba abunda yake damuna yanzu kamar yawan fyaden nan da akeyi ba manyan ba ba yara ba Allah dai yasa mufi Ζ™arfin zuciyoyinmu , duk suka amsa da Amin, 


Tunda aka fara maganar baice komai ba saida jikinshi yayi sanyi sosai tabbas yasan gaskiya mahaifinshi yake fada , k’asarmu tana buk’atar nagartattun Jami’ai wanda zasu kawomata gyara da cigaba  ,sai dai shi gaskiya sam aikin *yan sanda* baya burgeshi ,


Haka sukayi ta tattaunawa tsakanin Momma da Abba da Ibrahim , gogan kuwa k’ala baice masu ba , dama haka yake wani Lokaci in Yan rashin son maganar Yana kusa, 

Anan sukaci abincin rana Sannan suka sake fita, 




_________________________



Wai Alhaji manu kana kallo wannan k’aramun k’waron yana mana wasa da hankali , mi kake tunani idan har su goga suka sanar dashi wani bau akanmu , kaima kasan asirinmu yagama tonuwa  , babu wani sirrinmu da goga baisani ba , Ni banma san ta yadda akayi ya tsaya shashanci har wannan banzan ya kamashi ba , 


Tunda aka fara maganar Alhaji Manu baice komai ba sai faman shafa gemunshi yakeyi yana wani cije baki , 


Alhaji Musa yace ” Alhaji manu yakamata fa kace wani abu kabarmu sai zuba mukeyi , yanzu fa gaba daya wad’an nan kayan suna hannun *yan sanda* mi kake tunani idan har suka duba kayan nan sukaga abunda ke ciki , sannan babbar matsalar itace Goga , ina jin tsoron yaji wuya ya fada masu gaskiya, 

Gaskiya Yakamata asan abunyi , don nidai komai za’ayi karku yarda sunana ya fito ciki , yafad’a Yana huci zuciyarshi kamar zata fito tsabar bacin rai,


Gyaran zama Alhaji Manu yayi cikin muryarshi mai kama da ganga yace ” kai kolo kiramun wayar inspector Haruna, “


Cikin wata k’atuwar Murya yace ” angama mai gida” kana jin muryarshi kasan acikin maye yake sosai , sai wani lumshe ido yakeyi,


“Mikake nufi ne Alhaji Manu , kasan abunda kake fada kuwa , ? Inspector Haruna fa kace , kokasan duk wani k’ulli da Inspector Abdurahaman yakeyi tare sukeyi da Inspector Haruna, “


Wata mahaukaciyar dariya Alhaji Manu ya bushe da ita yace ” ba abunda bansani ba Alhaji  Musa , Inspector Haruna namune na jima da sayeshi Ni yakewa aiki a yanzu ba k’asarshi ba don haka ku kwantar da hankalinku a wannan karon b……………..kolo ne ya katseshi da cewa “Oga gashi akan layi,  “


Amsar wayar yayi ya kara a kunne , cikin isa yafara magana,


“Kana jina ko Haruna inason a yau duk yadda za’ayi kaja abokinka zuwa wani wajan , kasan karyar da zakayi mashi ya bika zan turo maka inda nakeso ka nufa dashi kuma ka tabbar kayi aikinka cikin taku don kasan halinshi kamar mai gani har hanji nikuma kasani sam ban yarda da kuskure ba, “


Angama ranka ya dade yadda kace haka za’ayi ina saurarenka sai ka turo daga haka sukayi sallama suka kashe wayar , 

Ajiye wayar Alhaji Manu yy yana wani murmushin mugunta yace “kuje kuyi baccinku harda munshari  a yau matsalar mu tazo karshe ,……………..✍🏼




🌴🌴🌴🌴🌴🌴🌴🌴🌴🌴 *Shin yar uwa ko kinsan illar da sanyi (infection) yake da ita ajikin mace kuwa* 


Sanyi yanada matukar illa ajikin mace fiye da tunaninki yar uwa , kina iya kamuwa da ciyon sanyi ta hanyar yin fitsari a inda mai ciyon tayi fitsari ko rashin tsabtar banΙ—aki, haka mace tana sanyawa mijinta kamar yadda shima mijin zai iya sa mata ciyon so da yawa wata tun tana k’arama zakiga tana fama da wannan matsalar ta infection sai dai da yawa bazai bayyanaba sai tayi aure, 

Ciyone da yake hana ma’aurata jin dadin rayuwarsu ta aure yana dauke duk wata ni’imar mace yana bude gaban mace yana hana mace sha’awa yana hanata jin dadin saduwa yanasa mace ciyon mara Wanda in yy yawa yana hana mace haihuwa , Yakamata mu tashi tsaye yan uwa don yak’i da wannan babbar cuta da ta addabi mata, 


Kadan daga cikin alamominshi 

Jin zafi lokacin saduwa ko bayan saduwa 

K’aik’ayin gaba

Kurajen gaba

Fitar ruwa masu mabanbanta launi, 

Rashin sha’awa 

Bushewar gama

Da sauransu , 


Wanan yasa mukazo maku da sahihin maganin sanyi yana fatattakar sanyi cikin kankanin lokaci yana wankin duk wani dattin mara yana maganin ciyon mara sosai duk wata mai matsalar sanyi ta jaraba wannan ingantaccen maganin zatarabu da matsalar sanyi da ikon Allah don neman karin bayani 09035027743 don Allah sis in baki shirya siyaba karki nemeni kibari sai kin shiryaπŸ€—πŸ€—


Mmn yusup ceπŸ₯°πŸ₯°πŸ₯°πŸ₯°πŸ₯°

Leave your vote

-1 Points
Upvote Downvote

Leave a Reply

Your email address will not be published. Required fields are marked *

GIPHY App Key not set. Please check settings

You May Also Like

JAMI’IN DAN SANDA 19

Advertisement  πŸ‘¨πŸ»β€πŸ”§  *JAMI’IN ‘DAN SANDA*.  πŸ‘¨πŸ»β€πŸ”§ πŸ…ΏοΈ_19 ………………..cikin tsananin tsoro duk suka zaro idonsu tareda d’ora hannunsu akaiπŸ™†πŸ»β€β™€οΈπŸ™†πŸ»β€β™€οΈganin…

JAMI’IN DAN SANDA 25

Advertisement  πŸ‘¨πŸ»β€πŸ”§  *JAMI’IN ‘DAN SANDA*.  πŸ‘¨πŸ»β€πŸ”§ πŸ…ΏοΈ_25 ………………………..”kaga banason fitina rabu dasu duk Wanda yayi nagari kansa amma…