JAMI’IN DAN SANDA 22

Advertisement

 πŸ‘¨πŸ»β€πŸ”§  *JAMI’IN ‘DAN SANDA*.  πŸ‘¨πŸ»β€πŸ”§

πŸ…ΏοΈ_22

………………gaba daya iyayen yaron a rikice suke , musamman ma mahaifiyar yaron wadda ita ce ta aikeshi ya siyo masu mai zasuci abinci’ ashe ajakinsa ke kiransa , 

Babansa kuwa kallo Daya zaka masa kasan cewa yana cikin wani hali, don yama kasa magana , da kyar ya bude bakinshi ya dubi babban d’anshi kamal yace ” kamal ku kamashi muje gida haka Allah ya nufa muje amasa sutura akaishi gidanshi na gaskiya amma ba inda za’a kaimun gawar d’a don ko anje ga hukuma ba abunda zasuyi akai ,Allah zai mana sakayya,”

 da yake mutane da yawa sun bada shawarar aje police station akain report , 

Kamal baice komai ba ya duk’a ya dauki gawar yaron yayi hanyar gida yayinda sauran mutanen suka mara mashi baya , sai dai idan ranshi yayi dubu to ya ‘baci tabbas lokaci yayi da zasu nemawa kansu mafita saboda wannan shine karo na ukku kenan da shaid’anin yaron nan ke take masu yara a unguwar Yana kashesu har lahira kuma ansan shine amma ankasa yin komai akai to tabbas a wannan karon sai sun dauki fansa sai sun hadu sun kasheshi in yaso suma a kashesu amma bazasu barshi ba, wannan shine tunanin da kamal keyi bashi kad’ai ba harda sauran yaran unguwar wanda yayi mugun ‘bata masu rai sunci alwashi iri iri akansa ,


_______________________


Advertisements


Aguje suka shigo gidan wanda saura kad’an suyi awon gaba da Baba mai gadi saida yayi wani irin tsalle ya kauce masu dama ya saba da irin wannan halin na Zayyan shiyasa duk lokacin da ya bude mashi get yake yin saurin yin ta kanshi don yasan tsaf zaibi ta kanshi ya wuce ba abunda za’ayi , shiyasa kullum cikin zullumi yake yana tsoron ranar da tsautsayi zai afka mashi ,


Bayan yayi parking ne suka fito Zayyan ya dubesu yace “to friends kuje part Dina ku jirani zanje wajan Dad na samo mana kudin nan don banason aikin nan ya wuce satin nan komai shaf shaf za’ayi inason yafi kowanne gidan rawa da yake cikin garin nan ,”

Dariya suka sa da sowa suna cewa sai babban yaro kace zamu k’ara fasowa don wallahi babu kalar iskancin da bazamuyi ba aciki don lokacin mu ne doli muyi yadda mukeso ,cewar daya daga cikinsu , aikuwa nan suka sake sa ihu , d’ayan yace ” to amma baba kaga ganin dakus d’inka zai bamu kud’in nan kuwa kamar yadda kace , ? “

Kallon k’asan ido Zayyan yayi mashi yana cewa ” kana shakku ne ? to kasani ba abunda Dad bazai iya bani ba amma ina zuwa gaka gasgata hakan, “

Daga haka ya juya yafara wata irin tafiya ta cikakkun yan iska wanda kansu ya waye da iskanci ,sanye yake da wata damammiyar riga bak’a sai farin wando wanda ya tsaya mashi iya gwuiwa ya wani zazzago wandon har ana ganin wandonshi na ciki , kanshi kuwa anyi mashi kitso  akai kamar wani mace kasancewar Allah yayi shi da yalwan gashi sosai ,wuyanshi wata sark’a ce ta gold sai waalwalniya takeyi , kallo Daya zaka mashi ka dauka sam bai hada hanya da Musulunci ba don sam ba alamar hakan , cikin tafiyarshi ta cikakkun gayu ya k’arasa babban falon , 

Da fito ya shiga falon mom ce da Amna zaune a falon ko kallon inda suke baiyi ba yanufi hanyar part din Dad,


Cikin takaici Mom ta dubeshi tace “kai Zayyan zo nan “

Cak ya tsaya daga inda yake sannan ya juyo ya kalleta fuska a daure don kar ma ta kawo mashi wasa don yasan halinta kullum cikin sa mashi ido take akan harkokinshi yakula tana fifita Amna akanshi , cikin daurewar fuska yace 

“Ya dai” yayi maganar Yana yamutsa fuska,

Advertisements


Dak’uwa tayi mashi tana cewa “ubanka kai da yadai d’in wato Zayyan har kullum bazakayi hankali ba ko kai kenan kullum bakasan kayi sallama ba a waje sannan kashigo ka ganni amma bankai matsayin da zaka gaida Ni ba ina matsayin uwarka, bayan tunjiya da safe a rabona da kai bansan gidan uban wa kake zuwa ba har ka kwana to wallahi kashiga hankalinka , kabi duniya a sannu tun kamun lokaci ya k’ure maka , sannan a yau basai gobe ba ka tabbatar da ka kunce wannan shegen kitson da kayi wa kanka kamar wani mace a…………..cikin hasala ya katseta da cewa ohhhh Mom Wai miyasa kikeson takurama rayuwata ne gaskiya Ni banason sa ido Yakamata ki barni nayi rayuwata yadda nakeso tunda ba akanki nake zaune ba , daga haka ya juya yayi shigwarshi part din Dad, 

“Innalillahi wa Inna ilaihin raji’un Allah gani gareka wannan wace irin masifa ce ,tabbas ance kwad’ayi mabud’in wahala , da banbi son zuciyata ba wata kila da bangamu da wannan tashin hankali ba,

Zama tayi da’bas a wajan  gaba daya ta rasa tunanin da zatayi,lamarin Zayyan yafara bata tsoro kullum abun nashi gaba yakeyi sannan bai tsoron uban kowa sai Ubanshi shikuma so ya makantar dashi sam baya ganin laifin d’an nashi ma bare yace zai tsawatar mashi dafe kanta tayi cike da damuwa,


Amna kuwa banda latsar waya ba abunda takeyi duk da tajinsu sarai amma ko kallo basu isheta ba , itama sanye take da mini siket ja sai yar wata bingilar riga mai hannun bes rabin nonuwanta duk a waje amma bata damu ba sai dogon gashin kanta da yake kwance har gadon bayanta, 


Kallonta Mom tayi cike da takaicin halinta na shariya cikin daka tsawa tace ” ke wai don ubanki ba nace kije ki cire wadan nan banzan kayan da kika saba kamar wata arniya ,

Itama cikin jin haushi ta mike tana buga kafarta tace ” kai Mom kin cika masifa wallahi daga haka ta juya da sauri tayi hanyar party dinta cike, da jin haushin momin Tata, 

Mom kam in da sabo ta saba da rashin girmamawar da yaran ke mata , har fiye da haka ba tasha zaunar dasu tana yi masu nasiha akan rayuwa amma kullum kamar Kara zugasu takeyi ,ajiyar zuciya tayi tace “addu’a ita kadai ce mafita,


“Dad kudi nakeso kabani”

“Mizakayi da kudi son?” 

“Dad gidan rawa zan bude nawa na kaina don a yadda nake babban yaro Yakamata ace inda nawa gidan rawa na kaina ,”

Dan jimmm Dad yayi sannan ya nisa yace ,

” Bawai zan hanaka bane ko banason baka kudin a’a , ina tunanin kana ganin babu matsala yin hakan bayan kasan inada burin zama gwamna anan gaba , kasan halin mutane yakamata ka dinga sanin abinda zakayi saboda idon mak’iya don kasan idan har nasamu kujerar Gwamna to kai kanka ka haye wanda ina fatan daga gwamnan na koma d’ane kujerar shugaban kasa, kaga shikenan k’asa tazama tamu sai yadda mukayi da ita wannan shine babban burina a rayuwa kuma nafara ganin nasara tunda nafara tsallake mataki na farko wanda zai sharemun hanyar da zanbi wajan ganin na cika burina,”


Wata irin dariya Zayyan yayi yace “kai Dad har k’asa na hango kaina a villa wallahi , amma dai Dad Ina bukatar kudin nan gaskiya don nayiwa friends Dina alk’awarin Zan gina mana gidan rawa , kuma bazan fasa ba don ba girma na bane magana biyu ,kawai kabamu zansan yadda akayi sunana bai bayyana ba zamuyi komai a sirrance, “

“Ka tabbata?”

“Yes Dad”

“Okay nawa ne kudin?”

“5million ne Dad”

“To shikenan anjima zakaji alert kasan don kai kawai nake neman kudin don haka ba abunda zaka nema ka rasa my son,”

Wani tsallen dadi Zayyan ya buga tareda rungume mahaifin nashi yana cewa ina sonka Dad don kai kadai kake sona bari naje wajan friends Dina mufara tsara yadda zamuyi aiki,”


Cikin murmushi da jin dadin ganin yadda dan nashi ke farinci yace “ok son “

Aguje ya fito daga part din yana ihun murna inda yabar Mom anan ya sameta ko kallonta baiyi ba yayi ficewarshi .


_________________________



Unguwar gwangulori,


Malam jibirin haifaffen garin Lagos ne duk da Asalin iyayensa yan  Birnin Kebbi ne ,cin rani ne ya kawo mahaifinshi garin na Lagos har daga baya ya gidandance inda ya aure matarshi Inna Suwaiba , wadda ta kasance yar uwarshi ce , malam jibirin shi kada ne dansu a duniya har lokacin da Allah yayi masu rasuwa,


Malam jibirin talaka ne sosai wanda kullum sai yafita ya nemo sannan za’aci a gidansa ,da matarsa daya Inna Hauwau , yaransu hudu Sulaiman shine babba sai Mariya dake binshi sai Hadiza da shema’u auta,


Yara ne da suka samu tarbiya sosai daga wajan iyayensu , dukkansu masu nutsuwa ne kuma sun iyama talaucinsu , 

Duk da talaucin da suke ciki malam jibirin yayi iyakar k’ok’arinshi na ganin ya’yan shi sun samu ilimin zamani dana boko , 

Alhamdulillah yanzu haka sulaiman ya haΙ—a degree dinshi tun shekarar data gabata sai dai halin da ake ciki na Nigeriyanci yasa har yanzu bai samu aiki ba sai dai bai zauna haka ba  don dama yana dan taba Ι—inkin tela to Alhamdulillah yanzu ya kware sosai kuma yana samu dai dai gwargwado da wannan sana’ar yake samu yana tallafawa iyayenshi dakuma karatun k’anenshi,


Mariya ma tagama secondry inda sukayi had’a k’arfi da k’arfe suka sama mata admission a makatar koyon aikin jinya , wanda shine babban burninta a rayuwa taga ta zama ma’aikaciyar jinya, haka ta dage sosai tana karatun ta cikin kwanciyar hankali don burinta baiwuce tafara aiki ba don ta tallafawa iyayenta itama don nauyi yayiwa yayanta yawa shikadai ko shima zai samu saukin wani abun,


“Assalamu alaikum Inna sannu da gida “

“Yawwa mariya andawo kenan ” 

“Eh Inna na dawo yau kam munjima sosai gashi na kwaso rana da yunwa sosai wallahi , Allah yasa dai akwai abinci a gidan,” tayi maganar lokacin da take zama akan tabarmar da Inna ke zaune ,ajiye jakar litaffanta tayi a gefe tare da fadin wash Allah wallahi yau najigata sosai, 

Inna ta tabe baki tace to ai ke kikaji zaki iya ba yadda banyi dake ba akan ki yarda a tsaida Ranar aurenki da wannan yaron Nura yaro mai

mutunci da nutsuwa kika k’i kikace ke karatu zakiyi ai sai ki daure don ba abunda yake samuwa abanza batare da ansha wahala ba bare ilimi ,”


Kai inna kullum sai kinyi maganar Nura a gidan nan nifa ban ce bana sonshi ba amma dai ina zai iya jirana to don inasha Allah sai nacika burina, “

“To Allah yasa hakan shi yafi alkhairi” cewar Inna don itakam sam bata wani son karatun tafinson ta fitar da miji tayi aure, 

“Sannu da dawowa Anty , “

Yawwa khadija , dauko mun abincina naci don Allah yunwa nakeji sosai ” 

“To anty , 

Bayan tagama cin abincin ne ta d’ibi ruwa a rijiya taje tayi wanka don samun saukin zafin da takeji,bayan ta fito ne ta tarar Babanta ya dawo nan ta zauna sukaci gaba da fira gaba daya,


___________________________


Zaune suke a babban falon mahaifinsu , gaba dayansu a tsure suke suna jiran abunda mahaifin masu zai yanke a kansu , mussaman ma *Lauratu* duk da sanyin AC da fankokin dake katon falon hakan bai hanata zufa ba kamar an watsa mata ruwa tsabar rud’anin da take ciki don tasan Mahaifin nasu bashida wasa ko kadan sannan yana da tsauri akan ra’ayinsa tana gudun abunda ,zaije yazo karfa garin sanya tayi saken da za’ayimata sakkiyar da babu ruwa ,


Ummi kam sai kallonsu takeyi yadda suke tsuma kamar wadan da aka gurfanar a gaban alk’ali , sosai suka bata dariya amma ta danne don kar su kawo masu wargi,


Gyaran murya Abban yayi ya dubi yayan nashi bayan ya ajiye jaridar dake hannunshi ya ce ” ya mukayi daku ??? 

Saida gabansu ya fad’i musamman ma Lauratu don Zainab kam da dan sauki sauki don itakam tasamu mafita , cikin inda inda Zainab tafara magana, “am dama dama yaya Nasir yace zai turo magabatansa wajanka tayi maganar cikin rawar harshe dakuna kunya,


Daga Abba har ummi murmushin farin ciki sukayi kamun su mayar da dubansu ga Lauratu cikin daurewar fuska Abba yace “kefa?” 

Cikin daburcewa tafara magana kamar zatayi kuka tace “don Allah Abba kayi hakuri kadan k’aramun lokaci wallahi har yanzu bansamu wanda yayi dai dai da rayuwata bane amma………cikin daka tsawa yace ” rufemun baki shashasha mai kunnen k’ashi , wato ke duk maganar da za’a maki ta bayan kunnenki take bi ko ? Tun yaushe nake baki lokaci amma har yanzu kin kasa zuwa da magana daya k’wak’k’wara ,to bari kiji in gayamaki wallahi nagaji da zama daku a haka ba aure daga nan zuwa wata daya in baki kawo Wanda kk so ba zan zaba maki duk wanda yayimun da kaina kin kuma Sanni bana magana biyu don haka ya rage naki ko kiyi amfani da damar ki ko kuma kibari ta su’buce maki ,ku tashi kubani waje , har rigegen tashi sukeyi sum sum sukabar falon , 


Alhaji Abubakar mainasara kenan da iyalanshi , matar daya Hajiya Sa’adatu wadda suke kira da Ummi sai yaransu biyu Lauratu da Zainab wadan da sukadai suka suka haifa ,

Lauratu babbar likita ce a babban asibitin acikin garin na Lagos tanada shakara 28 a duniya sai k’anwarta Zainab mai shakara 27 aduniya kasancewar shekara daya ne a tsakaninsu  itama tagama karatu ta ma’aikaciyar banki ce 


Asalin Alhaji Abubakar mainasara bafulatanin Sokoto ne aiki ne ya kaishi Lagos amma duk yan uwanshi suna Sokoto ,hakama Hajiya Sa’adatu ,

Lauratu da Zainab kyawawane sosai irin na asalin fulanin Sokoto 

Lauratu doguwar mace ce sosai tanada dan jiki amma ba sosai ba Allah ya zuba mata kyau najiki dana fuska , don duk abunda namiji keso a jikin mace to Lauratu ta hadashi , komai nata cif cif yake gwanin sha’awa , tana samun masu sonta sosai amma ita sam auren baya gabanta aikinta kawai tasa a gaba , hakama k’anwarta Zainab wannan yasa Abban ya bude masu wuta sosai akan su fitar da mazajen aure , shine Zainab ta gabatar da Nasir wanda ya kasance dan yayar Ummu ne dama yajima yana son zee sosai amma taki bashi dama sai a wannan karon da taga Abba na neman ya aurar dasu ga koma waye takuma san halinshi idan har ya fada tofa bazai taba canzawa ba,


Hawaye ne suka zubo a fuskar Lauratu cikin matukar damuwa ta Ι—ora hannunta akai tareda fadin na shiga ukku tayaya zan kawo miji a cikin wata daya kacal……………………….naso yafi saidai wlh hannu ya rikeπŸ˜‚πŸ˜‚




Ilove You wujiga wujiga masoyan mmn yusup inayinku over 😍😍😍😍😍😍inajin dadin comment dinku sosai Allah yabar kaunaπŸ‘πŸ»πŸ‘πŸΌπŸ‘πŸΌ


*Zanyi aike zafafan kayan mata Kano da Katsina maiso tamun magana* 09035027743

Leave your vote

Leave a Reply

Your email address will not be published. Required fields are marked *

GIPHY App Key not set. Please check settings

You May Also Like

JAMI’IN DAN SANDA 29

Advertisement  πŸ‘¨πŸ»β€βœˆοΈ *JAMI’IN DAN SANDA*πŸ‘¨πŸ»β€βœˆοΈ πŸ…ΏοΈ_29 …….………………”Helloo ” tasake cewa jin shirun yayi yawa ne yasa ta yin…