DUK NISAN JIFA 35

Advertisement

 ðŸŽ¾                           35

A yau baki daya karatun da aka yi a makaranta sai da ta tsaya aka yi da ita ta samu dukan abinda ta rasa na kwana biyun nan a USB dinta sannan ta rubuta na rubutawa inda Laila ta bata wa’inda ta rubuta mata duka ta hade kayanta waje daya har aka tashi karfe daya da rabi sannan ta haye babur dinta da jakar computerta da dan jan bakin da ta sako a ciki ta samu ta kurta dan jar ta je mata haka bayan shekaran jiya ta mata maganar hakan


Tana nuna takardar nan aka amshi babur dinta aka yi masa waje sannan akai mata jagora


Biye take da dogarin har sai da ya kawota wajen jakadiya sannan ya juya itama jakadiya ta mata jagora har bangaren da NAJEEBA ke hutawa tare da kanwarta daya tana yiwa yarta wasa a cikin lilonta


Tun da ta shiga ta gaisheta Najeeba ta amsa mata da kulawa sannan ta nuna mata wajen zama tana binta da kallo


Advertisements

Zaunawa ta yi a saman kujera Najeeba ta kalli kanwarta ta ce” Ki dauko min kayan nan da na nuna maki a cen saloon “


Mikewa ta yi ta dauki alkyabarta ta dora ta juya ta fice


Wayar Najeeba ce ta dauki kuka hakan ya sakata dagawa a hankali ta ce” Allah ya taimaki babanmu, Allah ya taimaki baban yaya “


Daga cen ya ce” Najeeba, yau mai rabani da ke a gidan mijinki sai Allah, sai na tataka ki yar rainin hankali, yanzu Najeeba a kan me zaki ce mata wai na yi budurwa bayan ke kika ce zaki min budurwa? To budurwar ta gidan uban wa? “


Najeeba ta kalli Bilkisu ta ga tana zaunenta jakarta a kusa da kafarta ta wani nutsu uwa tana gaban malan ta dan yi murmushi ta ce” Umumum yaya Dayabu ka hanna zagi fa “


Dayabu ya yo kwafa ya kashe kiran yana fadin” idan na zo sai na kutuntuma maki wanda zai gigita ki “


Advertisements

Tana kashewa ta kara gyara zamanta tana murmushi ta latsa number mijinta wanta ta tabata yanzun sun fito a masalaci kuma baya shara’ar rana kai tsaka du inda yake yana kishingide ko Nadia na bashi kulawa ko bai nemeta ba


A hankali ya ce” Muradinki nake ki zo yanzu “


Sai da ta kara rage murya sosai ta ce” Yau fa Nadia ce ko ka manta Shaheed? “


Idannuwansa ya lumshe ya ce” To dan yi min umuah mai zafi na ji “


Murmushi ta yi ta ce” Kanwar docter na zaune kuma wayar nan ana jinka fa? “


Bakinsa ya tabe bai ce komai ba hakan ya sakata kara gyara zama ta ce” Wai yaya ne zai zo ya dake ni “


Kishingidarsa ya gyara ya ce” Me kika yi ne Beebah? “


Sai da ta cuno bakinta daidai kanwarta ta kawo kayan tana kallonta ta ce” Ka ga fa, matarsa ce kawai take neman fitino da fitina kala daban daban kuma shi sai yake fadawa Zahra, ita kuwa sai take fada min, ni kuwa sai nace in haka ne na masa mata har nake ce mata yaya gide ya yi budurwa shine fa inaga ko dukansa ta yi oho ka san shi da son mace shine yanzun inaga ya kamo hanya zai zo ya dakar maka mata”


Sultan ya yi dan murmushin zanen nata, ya tabata idan za’a zauna abinda ta aikata ya fi haka, shi yasa ta takaita sosai kuma tana yi tana dan sakar masa yannayin da ta tabata zai tsuma shi bayan yanzun tace ba zata masa kis ba kanwar likita na zaune


A hankali ya ce” to yi mini Ummuah din “


Najeeba ta gyara zamanta ta kara make muryarta ta ja wani dogon kissss mai ratsa zuciya ta sakar masa harda wani dan gurnanin iya shege wanda ya saka Biliisu da sauri ta dago ta zuba mata ido cike da mamaki sai kuma ta yi sauri sada kanta cike da kunyar abinda ta yin 


Sai da Najeeba ta gama hankali kwonce ta ce da kanwarta” Ki dauko min dinkin da baki tana sakawa ba na ga kamar zaku yi yannayi da anmatan docter “


Kuma kallonta Bilkisu ta yi ta kara sada kanta 


Murmushi NAJEEBA ta yi ta mike ta koma kusa da Bilkisu tana fadin” Mahaifiyarki  ta san da maganar koyon kwaliyar ko? “


Bilkisu ta gyada kanta 


Najeeba ta shiga waware kayayakin dake ajiye wa’inda Bilkisu ke kallo cike da farin ciki a zuciyarta


Wata doguwar riga ce ta shigo da ita da dan kwalinta mai dan tsayi kadan ta kawo ta ajiye sannan ta kama habarta ta ce” Wai wannan zumbulelen hijab din fa aunty Najeeba ko dai daga makarantar islamiya take? “


Najeeba ta kalli Bilkisu tana murmushi ta ce” Yayanki ne ya dinka maki su ko? “


Bilkisu ta gyada kai da mamakin yaya aka yi ta gane? 


Najeeba ta ce” Yayanta ne ya dindinka mata, kuma shi ya hannata kwaliya kin ga wannan jan bakinma yanzu ta shafa shi dan ba madubi aka shafa jan bakin nan kuma idan daga gida ne ya ci ace wani wajen ya dan gogoge”


Bilkisu ta saki baki ta ce” Lah “


Najeeba ta girgiza kanta ta kama hijab din Bilkisu ta cire shi gaba daya, batai aune ba sai ji ta yi ta dungure mata kai tana fadin” Ba dai zaki daina yiwa jiran gawon shanu biyaya ba ko? Walahi ina takaicin abubuwa da dama a rayuwar yayanmu na hausa, watau tun daga cikin gida muke fara nunawa cewar Namiji ubanmu ne, sai ki ga wai dan ana soyaya ko dan kawai ka kawo kayan yarinya har ka dora mata dokoki irin na karta fita koda aiken iyayenta ne sai ta nemi izini a wajenka, kar ta saki ta yi kwaliya bayan ko shafa fatiha ba’a yi ba, kar ta yi kaza kar ta yi kaza, watan abin takaicin ba zai tashi kashe ki ba saima kin buda ido kin ga baya tsinana mata uwar komai sai bakin rai da bakin haki dan ubanta tamkar an ce da ita shi daya ya rage a maza ta zo ta nace ta nuna masa bata san ciwon kanta ba, bata san darajar kanta ba, da shegen biyayar karya biyayar da bata cika yiwa iyayenta ba sai darjejen kato ka gannin ubanta ya zo wanda ya yanka mata ragon sunna shikenan jiki na bari wane ne ya ce kar na yi, wane ne ya ce na yi maza maza na yi, ko ki ga ana iya yi a bakin murhu za’a yiwa saurayi girki, saurayin da bai baki dala ba du ki kwashe yan kayan miya su inna ki hada da su shinkafa komai ki tatara dan tanadinki ki siyo naman da baki ci kika more ba ke ga yar banza wace aka yi asarar haihuwa kawai ki dafa masa ya more ya gyatse ya mike ya kada tsatsaman rigarsa ya bara maki waje kina sakin lebo ya na saniya kina daria ke mai saurayi zamanin nan yana bani takaici kamar na kama yayan mutane na yi ta zanewa!”  Tq karashe tana sakin tsakin da ya saka Bilkisu kara wara idannuwanta a kanta cike da mamakinta


Najeeba ta kalli Bilkisu da yanda ta yi sai ta saki murmushi ta ce” Kanwata walahi yau ba da ke nake ba fa, aman dan Allah ina son tambayarki, shin yayanki ya taba furta maki kalmar so? “


Dirshan kanwar Najeeba ta yi wace suke uba daya yar gidan matar da aka sha rigima da maman Najeeba ce ta talabe habarta tana jiran amsar Bilisu


Bilkisu ta sada kai tana ayanna yau na kawo kaina wani wajen kuma na mamaki,


Najeeba ta dora hannunta saman nata ta ce” Fada min?”


Bilkisu ta dan girgiza kanta ta turo bakinta nan da nan yannayinta ya cenza ta ce” Bayan aure ya yi, mamansa ta ce wai mun sha nono daya, kuma sai mama ta ce haka ne, sai aka aura masa bakuwarmu, ni babu komai tsakaninmu yanzun, ya yi aurensa cen ni bana sonsama”


Najeeba ta yi murmushi ta ce” Karya ne “


Bilkisu ta dago yanzun tarr tana kallon Najeeba


Najeeba ta kara yi mata murmushi ta ce” Tashi ki shiga cen ki yi wanka ga tawul nan dan mu dan gyara fuskar ki ko? “


Tashin ta yi, duda bata san a kan me za’a sakata wanka ba aman ita da ta zo koyo sai ta kasance mai yin biyaya domin bata ga an kauce hanyar da zata ki yin biyayar ba


Wanka ta salo ta fito da tawul din a jikinta da kuma wanda take goge ruwa a jikinta tana son daukan hijab dinta


Najeeba ta kamo hannunta ta zaunar da ita tana kallon yannayin tsarin idannuwanta da girarta


Abin goge gira ta dauka ta shiga goge mata sauran jagirar da ta yiwa kanta a jiya wada bata idasa fita ba


Sai da ta goge mata ita tas sannan ta fitar da hodar ruwa


Budewa ta yi a gabanta ta ringa nununa mata har sai da aka samu wace zata hau da kalar fatarta sannan ta jika abin shafawar ta matse shi da kyau ta dan dangwali hodar ta shiga shafa mata ita sama sama ba tare da an kwambala da yawa ba


Sai da ta shafa mata da kyau ta kama ko’ina sannan ta dauki hodar gari ta dora mata ita a sama


Jagira sabuwa ta mika mata ta ce ta saka a idonta


Nan Bilkisu ta so darzawa sai Najeeba ta rike hannunta ta shiga koya mata yanda zata saka ba tare da ta bata hodarta ba


Tana gamawa Najeeba ta ciro gashin idon da ta fitar ta saka masa gam ta dan busar da shi tana kallonta ta ce ta sada dubanta kadan kar ta rufe idannuwanta


Hakan kuwa ta yi Najeeba ta saka mata gashin idon nan sannan ta dauki jagira mai ruwa ruwan nan baka ta dan ja mata a saman idon wajen gashin idon hakan ya saka ya zauna dasss ya kara fitar da idon masha Allah


Cikin nutsuwa ta caje mata girarta da kyau ta daidaita mata ita sannan ta bata dan jan baki mai ruwan lebanta ta ce ta shafa


Shafawa ta yi tana kallon madubi cike da mamakin simple mak’up din yanda ya wani irin fitar da fuskarta ko dan bata cika kwaliya ba?


Sai da ta gama sannan Najeeba ta ce ta saka kayan nan ta maida daurin da ta koya matan nan


Ai kuwa ta warware ta saka rigar da ta kamata dam bale wajen duwawun dan ta fi mai dinkin duwawu


Sannan bata saka bra ba aman kasancewar dinkin mai gidan mama ne sai ya taimaka ya gyara mata su ya kara tsayar da su dama da pant dinta ko da ta yi wanka ta maida abinta a bayi


Gashin kanta ta shiga warwarewa Najeeba dake kallonta ta saka Kanwarta gyara mata shi


Ai kuwa ta caje mata shi gaba dayanta ta yi mata kasa da shi sosai sannan ta saka mata dan karamin ribom ta tufke mata shi ta mata jela daya tak da shi sannan ta bata dan kwalin


Gyara zama ta yi ta kashe daurin nan na zara buhari wanda shine daurin da Najeeba ta koya mata ya hau ya yi das da shi ga gashin idon nan da ya hau fuskar abin ba’a cewa komai


Najeeba dake zaune ta saki murmushi tana kallonta ta ce “kalli”


Bilkisu ta juyo tana  kallonta


Najeeba ta koma kadan ta dan gyara zamanta ta shanye idannuwanta sosai sannan ta shiga dago su a hankali har ta idasa dago su ta wani dan juya su kadan sannan ta sauke dubanta a kan Bilkisu ta yada kamar ta ajiye mata abu ne a kanta irin ajiye duban nan tana kallonta ta dan yatsina bakinta ta ce” Maimaita na gani? “


Bilkisu ta sauke ajiyar zuciya, anya zata iya wannan abin kamar ba mutun ke juya akalarsa ba?


A hankali ta ringa kwatantawa, ta yi ta kwatantawa Sunna mata daria har Najeeba ta ce” kallon nan ba wani abu a cikinsa na rashin kunya, idan bakya iya yinsa ki samu wani abu special a gaban madubi wanda kika san idan kin yi yana sakawa a kalle ki sai ki rike abinki, irin idan abu ya baki mamaki, ko ya baki daria maimakun ki bushe da daria aa, sai kin fara dan gabatar da shi sai ki dan saki murmushi kadan, Bilkisu zamani ne ya cenza ta yada ake tafia da kidansa, gyara kuma ba aibu bane in dai zaki rike mutuncin kanki”


Bilkisu ta sauke ajiyar zuciya tana dan yin murmushi


Najeeba ta ce” To matso ki ga mu fara aikinmu, zan ringa yi a fuskarta sai na goge kema ki maimaita min, yanzun dai daga gira zamu fara, zamu yi kamar yi hudu shikenan sai kuma gobe mu dora “


Hakan ta kasance a wannan lokaci, cikin Nutsuwa Najeeba ke koyawa Bilkisu tana kallo, tun tana dari dari har ya zamana ta wani irin sakewa da Najeeba da irin kalamanta, duda har yanzun takan yi mamakinta sai dai kuma wani abin mamaki sai take jin tana da abubuwan dauka sosai a cikin kalamanta


Najeeba ta zauna tana gige hannayenta bayan sun gama ta ce” Abu daya nake so da ke Bilkisu wanda na tabata ana fada maki shi a gida, zan kara maimaita maki, Bilkisu na cire maki kadara muguwar kadarar da bana yiwa koda makiyina ita ta fyade, aman bayan wannan Duk rintsi, du abin namiji, du masifarsa kar ki kuskura kar ki yarda ki nuna masa zaki iya bashi kanki dan soyaya ko dan kyansa ko dan arzikinsa, Bilkisu ko wani irin so kike hasashen kina yi masa daga bakin lokacin da ya nuna maki lalata ki kurce shi ki nuna masa daga nan ba ke ba shi!, Bilkisu kar so ya kaiki nunawa namiji alamun kina sonsa komai tsakaninki da shi koda kuwa *YAYANKI NE!* ki rike darajarki, ki rike girmanki, ki rike mutuncinki ta haka zaki wanye lafia da mazan zamani”


Bilkisu ta sauke ajiyar zuciya a hankali ta ce” In sha Allahu Aunty Najeeba zan kiyaye “


Najeeba ta yi mata murmushi tana amsar yar jaririyarta da ta farka ta gyara zara shayar da ita ta ce” Yanzu daga nan umarnin da na baki a matsayina na auntynki tunda kin yarda na zama auntynki shine ki je asibiti direct ki ce da yayanki kin biyo ku gaisa ne zaki je wajen biki “


Sai da gabanta ya yanke ya fadi da sauri ta zarro ido ta ce” Bikin wa? “


Najeeba sai da ta yi daria ta ce” Ba na kowa ba, kawai dai ki dan gaishe shi sai ki yi tafiarki gida ai ba za’a maki fada ba idan kin je wajensa ko? “


Bilkisu ta mike ta yi tsaye gaban madubi a yannayi na tsoro ta ce” Ni Bilkisun Jauro na jewa yayana wajen da ya hanna min yawan shiga dan ya ce waje ne da ya tara mutane kala daban daban maza sosai da mata sai idan da shi ne, ko da shi din sai na saka hijab yau na je masa a haka kusan tsirara? “


Yanzu gaba dayansu suka saka dariar Bilkisu ta yarfe hannayenta ta ce” Marina zai yi, ya yi kwalo da ni koma ya ce zan halaka shi “


Najeeba ta kara sakin murmushi ta ce” Ai halaka shi nake so ki yi !”


Bilkisu ta kara kallonta a sanyaye ta ce” Aunty Najeeba, ina jin tsoronsa walahi, kuma bana son na saka shi a damuwa ko kadan, kin ga baya son hada rigimata da ta kowa, kuma ni ban taba yi masa haka ba “


Najeeba ta ce” Zo ki zauna “


Bilkisu ta koma ta zauna kusa da ita tana kallon kafar yarinyar dake ta wutsil wutsil abinta fara tas kamar farin tsohonta gata katuwa masha Allah 


Najeeba ta ce” ki gane, garage ba laifi bane idan har ana yi ana duba bakin gatari, shi wani lako lako ba shi zai kaiki ga ci ba, na san damuwarki dan ni shekaru na shafe a cikin irinta ba tare da na san ita ke damuna ba har sai da na wayi gari na ga ya fito daga dakin watata na yanke jiki na sume dan shirme!, Bilkisu, bana so tafiarmu ta samu tangarda Allah yana ganni ban amshe ki ba sai da na ga take taken yayanki a kanki wanda idan har haka ta ci gaba da faruwa kina da saurin salamawa abu, baki da karfin kokowa da shi, ya kuma san lagonki shi yasa ya dora dokoki irin haka, ba aikin banza zaki yi ba, aman ki san ciwon kanki ta hanyar samawa kanki salama koda a cikin zuciyarki ne, kar ki ji komai, kuma ki jure komai ciki harda hayaniyar duniya , ke dai ki tashi ki je wajen yayanki”


Bilkisu ta sauke ajiyar zuciya muryarta a sanyaye ta ce” A babur na fito aunty “


Najeeba ta kara sakin murmushi ta ce” Hakan shi ya fi komai birgeni bara a kawo maki gilas wanda zai hau kayanki”







…………….to madallah…………



*IN SHA ALLAHU IDAN MUN KAI AURE YAK’IN MATA PAGES 20 ZAMU TSAYAR DA FREE , DOMIN AURE  YAKIN MATA NA SIYARWA NE, DU MAI SON TURO DA KATINTA KO TA TRANSFER YA TUMTUBENI TA NUMBERMA KAMAR HAKA 93 81 16 18, sannan zamu dakatar da Duk Nisan jifa har mu gama Aure yak’in mata na gode*

Leave your vote

Leave a Reply

Your email address will not be published. Required fields are marked *

GIPHY App Key not set. Please check settings

You May Also Like