A BAKIN WAWA 12

A BAKIN WAWA 3
A BAKIN WAWA 3

Advertisements

_____

12

 

Da sallama suka shigo parlourn, kana ganin su zaka San sunyi kuka, sabida idan su da beyi kama da normal ba,amsa sallaman mama tayi tana kallansu taji jikinta yayi sanyi,saboda ummu tana dawowa ta Basu labari kamar yarda suka bata, tabbas suna San wannan yayar tasu,shin ina zasu ganta? Samun kanta tayi dacewa Insha Allah za ma su ganta.
Katse Mata tunani sukayi ta hanyar gaidata,amsawa tayi,

tace’ kuje kuyi breakfast don Naga alama kamar bakuyi ba ko?
Yunwa suke ji bata kadan ba,Amma a halin da suke ciki yasa baza su iya cin abinci ba, Yusuf ne

yace’ a,ah mun koshi sai da muka ci muka fito ma,
Badan ta yarda ba sai don kada ta matsa masu,yasa ta barsu, Kiran ummu tayi,ta tashi ta Shiga ciki,
Tana Shiga ummu na fitowa ganinsu a haka kowa yayi shiru yasata karasowa

tace’ twins dina sannunku ko nace mako besties? A,ah ba besties ba yusseer kuke so??
Tafada tana kallansu,wata harara da Yusuf ya wurga Mata yasa ta fashewa da dariya,

tace’ remember Yaya salama tace ko nayi maku laifi Banda fushi,Banda kallan banza,bare kuma a samu harara ato,
Ta fada tana murguda Baki tare da Zama ta daura kafa daya kan daya,
Ba Wanda ya tanka Mata,don sun san halin kayansu,yanzu suna magana zata ce yaya tace kaz tace kaza,kullum sai ta Kara maganar ta.
Ganin sunyi shiru yasa

tace’ yanzu uncle zai fito sai ku gaisa ko. Daga nan sai muje garden mu tsara yarda za’ayi ko?
Numfasawa Yusuf yayi

Advertisements

_____

yace’ mun samu numbern sa,mun kirashi yace yau bazai samu damar zuwa ba,baya garin,kuma sai jibi zai dawo,
Ya fada Yana kallanta,itama kallansa tayi

tace’ jibi kuma? Meye wani jibi,nifa kunsan bagane wannan abubuwa nake ba,kumin da yaren da zangane mana kwace mun wani jibi,
Ta karashe da daukar remote tana murguda Baki,
Yaseer da tunda yazo bayan gaisuwa bai Kara magana ba,

yace’ muma haka yace mana basani muka yi ba,ya fada Yana hararanta,
Tsabar ta rena masu hankali, idan sun fada Mata sai tace batasani sukuma sai su fada Mata,yaci ace idan karatune to ta hardace,

‘ tace jibin ce Baku sani ba?to kar kusani,
Tayi shiru sai kuma can

tace’ laaaa Monday ce ko? Ita jibin inke nufi?
Bawanda ya daga Kai ya kalleta tv ma suke kallo,suna cikin haka sai ga AA nan yazo zai wuce har yaje Baki kofa zai fita bawanda ya lura dashi sai ita,tana ganin zai fita kuwa ta tashi da gudunta

tace’ uncle Baku gaisa ba da besties din nawa ba,kuma zaka fita,
Sai anan suka lura dashi,basa ganin sa sai bayansa kawai suke gani,

Yace’ haba ummu bakya ganin sauri nake Zan fita, so nake naje na gaida mutane kinsan de Sarai gobe Zan koma ko?
Turo Baki tayi gaba tace’ nasani Amma ai gaisawa ce kawai zakuyi fa? Bata barshi yayi magana ba ta dinga Jan hannunsa,bata yarda janshi take,juyowa yayi kawai suna tafiya don yasan komin dare yadawo sai sun gaisa shiyasa kawai ya zabi su gaisa din yama huta da mitarta,
Tunda ya juyo ya fara tahowa suka kalli juna suka zuba masa ido, bako kiftawa har ya karaso gabansu ya Mika masu hannu Amma basu san ma Yana yi ba sai da, ummu ta tabosu tukunna, Yusuf ne yayi dan yaken da kana ganinsa zaka san iya fuska ne kawai,ya bashi hannu,

yace’ Yusuf,kawai iya cewa don maganar ma kakarewa tayi,
Murmushi yayi yace wannan duk ganin nawa yasa kuke kallo na haka? Kamar na maku kama da wani?
Ya fada Yana mikawa yaseer hannu,maimakon ya Mika masa sai ya zuro hannu a aljihunsa ya ciro hotonta da sauri ya bude ya dauko guda daya,shidai kallansa kawai yake kuma bai dauke hannun nasa ba ganin abinda ya dauko yasa Shi kallan hoton, yaseer kuwa tashi yayi ya Kara hoton a fuskar Shi,

yace’ haba ummu Yama zakiyi kice wannan basa kama,suna kama wallahi, kece Baki ga kamar ba, Yusuf mekagani,
Yusuf bai iya magana ba don Shi tashin ma yakasa yi,ummu ce ta matso,

tace’ laaa uncle kuma fah hakane kuna kama wallahi,
sai kawai tayi dariya, girgiza Kai AA yayi ya amsa hoton a hannun sa

yace’ muga da wacce nake kamar,
Kallanta yayi a fili ya furta student?
Kasantane? Ummu ta tambaya,ehh nasanta mana a school din da nake lecturing take karatu,bata magana yarinyar sai da na ganku a airport kuna yi ,ashe ta warke yanzu tana magana,
Amma fa ni banga kama ba anan,ya fada Yana kallansu,

Yusuf yace’daman Kai ai bazaka ga kama ba,Amma kuna kama fah.

Yaseer da har yanzu yake kallansa yace’ dole akwai alaka a tsakanin ku da ita,
Kallan yaran yayi yace’ Ba kune Kannan taba taya kuma zai Zama da alaka a tsakani na da yarinyar nan, ina da nawa iyayen da suka haifeni,itama kuma tana da nata iyayen tunda har tana da kannai.
Yusuf da ya tsani yaji an alakanta ta da ace iyayensu su suka haifeta,ya tashi cikin wani hargagi ,

yace’ IYAYE ??Wanne iyaye,? Wanne iyaye take dasu? Bata da wani iyaye. Wanne iyayen ne zasu nemi tura yarsu karatu batare da an Kara waiwayar taba? Wanne iyayenne zasu nemi halaka yarsu? Wacce uwa ce wannan da bazata bawa ‘yarta tarbiya ba? Wacce uwa ce da zata tura ‘yarta wani wuri tace tana so ‘yan uwanta su manta ta? Wacce uwa ce wannan? Idan ita ba ‘yarta bace Shi kuma uban fa? Ai Shi ‘yarsa ce ko? To Wanne irin ubane wannan da zai tura ‘yarsa karatu batareda yana tura Mata kudin da zata bukata ba? A yarda yake da wadata meyasa bazai je ya ganta koda sau daya bane ba a shekara? Wanne irin ubane da ‘yarsa zata tafi tayi wannan adadin shekaru batare da yaji daga gareta ba kuma hankalin shi bai tashi ba? Fada min sune zata Kira a matsayin iyayenta ??

Advertisement

_____

Kawo yanzu kuka yaci karfinshi, dauriya kawai yake yi kar hawayen su zubo sai dai kuma bai San da cewar tunda ya fara ba yake zubar da hawayen ba, Saida ya Gama ya zauna,ya dafe kansa Jin yana Sara masa, yaseer ne ya dago dakan sa cikin wani irin low voice

yace’ da’ace nice ita da bazan kirasu da marikana ba,sun san basa santa meyasa suka reneta,sun san basa Santa meyasa Basu wurgar da ita ba,meyasa Basu kaita gidan marayu ba ta tashi acan,meyasa basu bada ita ba ga mai so? Sun manta cewa ‘da na kowa ne? Ka fada mana yakayi shiru uncle??
AA kuwa tunda suka fara maganar yake kallansu,sai yanzu yasan menene matsalar ta, rashin iyaye,
Zama yayi,
Yana kallan ummu yace itace wacce kika bawa Anty labari?
Daga masa Kai tayi,don itakam sun kulle Mata Kai,ai basuyi wannan maganar da ita ba,koda yake bakomai bane daman zasu fada Mata ba,kuma yanzu taji,.
Kallan Yusuf yayi yace’ naji bayan daga wurin ummu tana bawa Anty labari,kuma naji kunce zaku nemota can I join you guys ??
Basu Kai ga magana ba Anty ta fito don fadawa ummu taje tayi gyaran daki,Amma sai ta tarar Yusuf na fadan wannan maganar, kuma basu lura da ita ba,

tace’ Idan ba damuwa Nima ina cikin wannan tawagar can I??
Tafada da guntun murmushin a fuskar ta,bawai tayi murmushin bane don kanta,kuma baikai zuci ba,can kasan zuciyar ta tausayin Ummusalma take tare da tausayin su kansu besties din,tasan halin da suka Shiga to itama zata Shiga ko bai Kai Rabin nasu ba, murmushin tayi don kawai ta kwantar masu da hankali.

Daga yaseer har Yusuf kallansu kawai suke Basu iya magana ba, ummu ce tayi magana dukda itama tana tausayawa besties dinta da wani irin murmushi a fuska ta

tace’ wooww my mom?,my uncle?
Kawai tayi dariya

tace’ daman mama kina son mu haka? Amma kullum sai kin mana fada Ashe kina sonmu,
Ta karasa tareda rungumo mamanta,
Uncle kawai murmurshi yayi don kullum idan aka masu fada sai tace ba’a San su, dukda labari yake ji,kuma wataran ana Mata fada a gabanshi.
Tashi yayi

yace’ni Bari na koma daki na kwanta don tafiya kam na fasata, Zan fadawa su umma.
Anty tace’ ai wani satin Suma zasu dawo, Basu fada maka ba?
Yana tafiya yace’ Basu fada min ba da sai dai naje kuma mudawo.
Itama bata Kara maganaba ta dawo ta zauna, kasancewar a three seater suke da space a tsakanin su,Zama tayi a tsakiyar su ta daura kansu a shoulder dinta tana shafawa

tace’ kudena damuwa Insha Allah komai zai wuce,kamar ba’ayi ba ,kowa da irin kaddaransa,kuma bazamu iya tsallake kaddaran mu ba,duk abinda kukaga yafaru da bawa an rubuta zai faru dashi ne tun kafin yazo duniya, bacin ga haka kaddara tana cikin rukunan Imani, kun tuna da haka?
Bata jira amsar suba taci gaba da cewa,walau me kyau ko marar kyau,idan kuka ga bawa Yana da kudi,kada kuyi tunanin Allah ya fifita Shine Akan wasu a,a Allah Yana jarabtar sane yaga taya zaiyi amfani da kudin? Ta hanya mai kyau ko akasin haka, idan kuma kuka ga Bawa Yana cikin talauci shima jarabtace,shin zai iya rike talaucin sa ko kuma zaiyi wani abun da zai sabawa Shari’a. Allah Yana jarabtar mu ta hanyoyi da dama, batare da munsani ba, Idan Allah ya jarabce mu da kowacce iri ce fatanmu mu mutu Mina masu dacewa .
Haka Allah yasa kuma Haka yaga dama , Allah yasan hakan Shi yafi alkhairi,Amma acikin 100% kalilan ake samun masu fada. Abinda nake so daku shine ku kwantar da hankali ku kunji ko? Bana San hankalin ku ya tashi,ina sanku tamkar ‘ya’yan da na Haifa a cikina, daku da ummu duk daya ne a wuri na, a haka ta cigaba da lallashinsu tun suna kan shouldern ta har suka zame suka kwanta a cinyarta,wata nutsuwa na Kara Shigar su tanayi tana shafa kansu har sukayi bacci. Hakan yasa ta kalli ummu Wace ta zauna a kasan kafarta ta daura kanta kan center table itama tayi baccin.
Ajiyar zuciya ta sauke ta jingina da kujeran ta rufe idanta, wata kwalla taji tana zubo Mata,aduk sanda ta tuna da wani babban al’amari,tasan duk Daren dadadewa dole Gaskiya zatayi halinta. Hannu tasa ta share hawayen,ganin lokacin na tafi yasa ta ajiye kansu a hannun kujeran, ta tashi ta Shiga kitchen don daura abinci.
Basu farka ba sai bayan Azahar, bayan sunyi sallah suka ci abinci,sosai suka ware kamar ba abinda yake damun su, sai da magariba sannan suka koma gidan su,suna Shiga suka ga Mama tana zaune tana kallo kuma tana waya, Zama sukayi Suma suka Dan fara kallan, Mama ta kallesu,

tace’ ya hakuri kuma?
Yusuf ne yace’ hakuri an gode Allah mama,
Yaseer kuwa kawai kallansa yake me yafaru kuma, Yusuf kuwa ganin irin kallan da yake masa na irin karka bada mu,beyi aune ba yaji yaseer nacewa” mama kin ga yarda yayi mutane kuwa, Kai mama Allah yasa muma muyi kyakykyawan karshe , daman fa Shi ba ruwansa, kuma Yana Karatun Qurani ya rasu, gashi ma kuma, maraya ne Akayi adoubting din shi iyayensa sukayi, amma haka suka rike Shi tamkar dansu, Koda suka haifa nasu, sun cigaba da sansa, Hmmmm ai ba’acewa komai mama,
Kallansa tayi tace’ Ya sunansa kuma,
Abdul sunan sa ai, munji mutuwar nan ta girgiza mu, mama, ni har na fara komawa ma ga Allah,yaseer yafada,

Yusuf yace’ kuma mama wallahi idan kinga yarda suke sansa ca zakice dansune,muma bamu saniba sai a wurin mutuwan nan mukeji,munyi mamaki sosai, Akan wani shikuma da ajimmu da rikonsa ake,
Ya kalli yaseer yace bata labari,
Yaseer kuwa

yace’ ai mama ko wallahi mutane suke Jin tsoron Allah,shikuma wai fa rikonshi fa ake don kawai babansa da mamanshi sun rasu, sai ya koma gidan kanin mahaifin Shi to matar gidan bata bashi tarbiya, ta batashi ga kashe kudi,tun muna js2 ya fara shan taba, yanzu kuwa tsabar abin yayi nisa har club yake zuwa abinsa,kuma ba kullum yake kwana ba a gidan, ai lamarin Shi gaba yakeyi, ga yanzu india zai tafi,hmmm Mama tsoron duniyar nan nakeji,
Yafada Yana dan share hawayen kamar gaske,
Mama kuwa tunda yaseer yafara take hada wata uwar zufa, taab ashe itama ta tafka kuskure fa a rayuwar ta, ita har mantawa ma takeyi da abinda ta aikata,koda yake bazata taba kiranshi kuskure ba, ba abinda ma ta aikata ai.
Kallan juna sukayi Yusuf

yace’ Mama lafiya kuwa?? Ko Baki da lafiya ne ?
Bata ji shiba ma itakam ai ta lula duniyar tunanin shin daidai ne abinda tayi ko ba daidai bane?
Suma tashi sukayi suka Shiga daki suna Shiga yaseer

yace’ wai ca kace wa mama mutuwa akayi ne?

Yace ‘ta shigo kana wanka tace me yafaru taga idona yayi ja haka kamar Wanda nayi kuka? Shine nace mata ai wani abokin mu ne ya rasu shine fah,abinda nace Mata,Kai kuma da tuni ka kwafsa mana dan ma dai ka iya tsara zance da Kai da waccen parrot din Bansan wa fi wani ba.
Yafada Yana hayewa kan gadan, tambilin yayi a gadan

yace’ Mama fa ta tsorata wallahi,
Kawai ya saki dariya,

Yace’ wai Kai yaseer sai yaushe zakayi hankali ne ? Baka da aiki sai dirifkiya a kan gado ko? Du kabi ka sawa mutane ciwon jiki,banza kawai,

Ikon Allah,wai Dan Allah dame ka fini ne,da shekara dayan?

Koma da second daya ne na fika de,kuma dole a kirani da yaya Yaseer a toh,

Kai Ka sani,mutum de bazai kirani yaro ba tunda shekaru na 16,16 kuwa ai ba wasa ba.

Dariya kawai Yusuf yayi ya tashi ya Shiga toilet.

🌼🌼🌼🌼🌼

Hajiya wannan itace mai aikin naki,kamar de yarda na fada maki ita din kurma ce,tana ji Amma bata iya mayarwa,
Kallanta Hajiya tayi ganin yarda take kalle kalle yasa ta daka Mata tsawa

tace’ ke kurma,
Dukda taji ta,Amma ko gezau batayi ba,kawai tana kallan girman parlourn da za’a ce kullum sai ta share tayi mopping,tunanin irin ciwon bayan da zatayi kawai take yi.

Kara daka Mata wata tsawan tayi sai a sannan ta jiwo ta kalleta,

Hajiya tace’ kinaji na ina maki magana,
Girgiza Kai tayi alamar a,ah,kallan iya ladi Hajiya tayi

tace’ bacin rashin magana harda na rashin ji ma,ni kuwa bazan dauka ba ki sanar da ita tam.

Itakuwa Ummusalma a zuciyar ta tace idan nayi maganinki zakisan Bana ji Bana magana ai.

Kuma yanaga fuskarta a murtuke bata fara’a ne ko kuma saban iskanci ne?
Iya ladi ce me bada hakuri,daga nan ta sallame ta, sannan tace ta kaita dakin ta,Wanda yake bayan jikin gidan amma kofar ta waje ce window dakin kuma daya a ciki zaka iya hango parlour dayan kuma a waje,garden zaka hango. Katifa ce kawai a dakin sai pillow ba bedsheet bare kuma a samu blanket sai wata munafikar wardrobe ta jikin bango siririya da ita, Allah sa Akwai toilet adakin, iya ladi ta kalla,

tace’ haka Zan zauna ba abin shimfida? Ba bargo?
Iya ladi tace’ Bari naje na tambayota, naji ko za’a samu.
Batajira amsar taba ta fita,tana nan tsaye kuwa saiga ta tadawo da bedsheet sai karamin bargo mai laushi, itakam a ganinta daga bedsheet din har bargon ba Wanda yamata,Karba kawai tayi a rashin babu,kudi ta kawo ta bawa iya ladi sosai tamata godiya ta fice.
Bayan ta Kara kallan dakin,babu K’ura a ciki da’alama ana gyarashi, Ghana most go dinta tasa acikin wardrobe din, daga kasa taga tsintsiya da Dustbin karami sai parker, toilet ta shiga shima ba laifi dukda ba bathtub Amma akwai ruwa, kuma akwai kayan wankewa.
Fitowa tayi ta Kara share dakin tsab sannan ta shimfida bedsheet din,ta zauna abakin katifar,tana Zama ana kiranta,

Hajiya tace’ sunanki salamatu ko?? Daga Kai tayi, taci gaba to aikinki a gidan nan shine gyaren Parlourn nan, Dana Sama,sai abin da ba’a Rasa ba,muna da mai girki da wanke wanke, sannan Bansan kazanta ko kadan kina ji ai?
Daga Mata Kai tayi alamar ehh,
To tashi ki Bani wuri, sum sum ta tashi ta koma daki, jakar kayanta ta dauko ta ajje lungun katifar,ta bude ta Ciro wayar ta, missed calls din maman Sadiq ta gani, kasancewar sunyi exchanging phone numbers,kiranta tayi bayan sun gaisa maman Sadiq

tace’ maganar gidan nan ne mai gidan yace dari takwas zai Saida,gidan kuma karami ne ,kuma dakunan a jere suke,kamar namu na da,

Ummusalma tace’ Shikenan bakomai,Zan turo maki kudin idan yaso sai a mayarshi Bungalow kamar naku Amma two Bedroom nake so,
Shikenan ba matsala,

Tace’ account numbern karki manta,
Daga nan sukayi sallama,

Kwanciya tayi Akan katifar tace’ tunda nake ban taba kwanan katifa ba sai yau,
Tasaba tajita a Sama tana juyi yanzu kuwa sai dai tajita a kasa idan batayi wasa Bama taji ta mirgono kasa, tana zaune har magariba sannan ta tashi tayi alwala tazo yin sallah ba abin sallah, fita tayi ta ga bakowa a parlourn tsaki taja ta dawo ta cire dankwalin ta tayi sallahn dashi, tana nan har Akayi Isha, Jin tafara Jin yunwa yasata tashi,tana nade dankwalin, ganin kamar mutum yana zaune a garden yasata lekawa,yana zaune ya lumshe idan sa ya daura kafa akan Akan table din da dayake na gossiping chairs din, tana kallan Shi kasancewar windown da yake facing kuma da haske sosai a wurin shiyasa ma bata kunna fitila ba, matsowa tayi jikin window tana kallansa, damuwace sosai a tattare dashi, kuma da’alama mafita yakeso ganin yanda yake karkada kafarsa da kuma bubbuga hannu sa da yakeyi, bata San iya adadin lokacin da ta dauka tana kallansa ba kamar yarda shima baisan adadin lokacin da ya dauka a wurin ba,sai da yabar wurin itama ta juyo ta ajje dankwalin kanta,ta fita don cin abinci, kitchen ta Shiga tunda daman sai tabi ta kitchen zata Shiga cikin parlourn warmers din ta bude taga sauran abincin kadan ne ya rage,don haka ta zauna taci ta koshi ta kora da lemu harda cake abinta, ta koma dakinta har zata kwanta tadawo ta rufe kofar ta bar key din a jiki, kayanta ta cire tasa yar rigarta ta kunna fanka,ta janyo wayar,tana dannawa taga time 11:45,ita a tunanin ta yanzu bai wuce 9 ba haka,tayi mamaki sosai, contact ta shiga taga numbern su Yusuf batasan ta Yusuf ba batasan ta yaseer ba duka yusseer tasa masu,sai ta ummu kuma,sai numbern su chatty da glip ta 9ja,da maman Sadiq,sukadai ne daman suka bayawa ba ,sai number sahr da wurin aikinta shikenan contact dinta, what’s app tayi downloading ta bude, badan komai ba sai don kawai ta ga su yusseer yasata budewa, aikuwa de tana shiga sunansu taga Dukan su online,
Batayi masu magana ba ta kashe tayi addu’ah sai bacci.

Washegari da wuri ta tashi ta shirya ta fara aikinta, tas tas share ko ina ba ha’inci ba komai ta gyara ko ina da ko ina har windows ta buge,tayi mopping sannan tasa turaren wuta ganin burner da tayi a parlourn sama,ta rufe ko ina ta Kara fesa air freshener, ta kunna na tsinke kuma,sosai gidan ya dau kamshi mai dadin gaske,ta kunna ac, sannan ta shiga dakinta,tana zuwa ta baje a kan katifa ta gaji over gabadaya jikinta ciwo yake abinda bata Saba ba sai dai tayi kadan, janyo wayar ta tayi ta duba time ganin Tara saura yasata Kara gyara kwanciya, sai bacci,
Sosai gyaran yayiwa Hajiya kyau a zuciyar ta, abinci aka kaimata ganin tana bacci yasa aka ajje mata, bata farka ba sai shadaya,ganin abinci an ajje a gefe yasata Shiga wanka,bayan ta dau sabulun ta.

Abincin ta bude bayan ta shirya, chips da kwai da bread sai shayi,shayin kam ya huce shiyasa kawai taci chips da kwai, ta kwashe ta kai kitchen.

Ahaka tayi wata a gidan bata fita ko nan da waje sai dai zubar da ruwan mopping amma bade ta zauna ba,daga daki sai parlour shima tana gamawa take komawa daki, Hajiya kuwa zagin da take Mata kuwa ba’a magana,har wani yar Rama tayi daman gashi ita ba kiba ba, kuma kullum cikin bambamta Kaya take bata taba sa complete Hajiya tayi mitar tayi masifar a banza beyi aiki ba ,kuma idan tasa zani saita tattarshi yadawo Sama kauri a waje, ba abinda ya dameta,wataran tana Shiga dakunan su Duka ta gyara sosai yanzu kuwa ta Saba ma da gyaran da masifar Hajiya bama Hajiya kadai ba duka yan gidan basu da mutunci ko kadan har abokiyar zamanta kuwa.
A zaman ta da Hajiya da kuma kishiyarta yarda suke abunsu babu kishi ko kadan na zahiri, ga kuma duk lokacin da suke zance suna ganinta zasuyi shiru,ranar da sukayi Baki taje kaima su lemo sunayin zance tana shigowa,sukayi shiru, bakin ne suka ce ita wannan bata sallama idan zata shigo wuri ne ko yaya? Hajiyar ce tace’ ai kurma ce bata magana,
Dayar bakuwar tace ai irinsh ake so a masu aiki,kinga ba Wanda zaiji sirrin ki,tana fita kuwa ta labe, taji abinda suke cewa,tundaga ranar take yawan Shiga dakin Hajiyar,itama Hajiya tadena wani boye boye ko ta ganta,sai wani yare da takeyi abinta, hankali kwance.

Yau aiki take Amma ba kamar kullum ba bayanta ke ciwo sosai,alamun period dinga na gab,babban tashin hankalin ta be wuce yarda bata da pad ba,kuma ita ba magana ba, kuma bata Jin akwai wani shago a kusa,dauriya kawai takeyi, yau ko turaren da take sawa ma bata saba,so kawai take taje ta kwanta,ko zata ji saukin abinda take ji, saukowa takeyi ahankali hannunta rike da bucket din da tayi mopping, sai da taje tsakiyar steps din ta rike bayanta da dayan hannunta dayan kuma tana rike da bucket din tana cikin tafiya sai ji tayi tayi tuntube da bucket rufe ido kawai tayi tana jinran taji zafin fadowar da zatayi,Amma Jin kamar an riketa kuma ga wani sanyayyen turare da take ji yasata bude ido fes ta sauke idan ta cikin nasa, dukda ba rokota yayi ba,tokareta yayi da hannunsa Duka biyu,
Kallanshi kawai take kamar yarda shima ita yake kallo, babban abinda yasa bata fita kenan bata so su hadu,dukda ita tana yawan ganinshi a garden , shikuma tunani yake me yakawota gidan su,mekuma takeyi? Dukda kallan da sukeyiwa juna hakan be Hana su wannan tunanin ba, yayinda zuciyar ta ta fara abnormal bugawa sakamakon wani yanayi da ta tsinci kanta aciki,shima hakanne a wurinsa, sun jima suna kallan juna yayin da idan ta kifta ido sai yaji an tafi da numfashin sau dubu, Baiki su dawwama a haka ba,

Hajiya ce fa fito don zuwa kitchen ta hado Breakfast ganin su ahaka yasata ta saki wani ihu tare da salati,

tace’ na Shiga uku ni Hafsatu mezan gani??
Banaifu Kaine rungume da mace haka a kirjinka, lahawwala wala quwwata, jama’a ku fito kuga abinda idona yake gane min,

Shikuwa bema San sanda ya rungumo ta din ba abinda yasani kawai yasa hannu ya tokareta kar ta fadi Amma yanzu sai ganinta yayi a Kan kirginsa, ganin da Hajiya tamasa baisa yasaketa ba,kuma be kalli hajiyan ba sabida wani irin haushi da yaji ,ta katse masa Jin dadin sa,ita kuwa Ummusalma kunyan duniya ce ta rufe ta,tunda tazo duniya wannan kadan ne zatace taji kunya,Amma bata wani nuna ba a fuska, expression din be nuna ba, sai motsi take alamar yasake ta,Amma ko gezau beyi ba sai ma Kara kallan ta yake yarda take motsi da baki,da kuma kifkifta ido sai abin ya bashi dariya, kawai yayi murmushi.

Leave your vote

Leave a Reply

Your email address will not be published.

GIPHY App Key not set. Please check settings

You May Also Like
NAWA BANGAREN
Read More

NAWA BANGAREN 16

Advertisements _____ €pisode 16…………….. Da azama ya Nufo Naheela , yayinda ya ɗaga takobinshi sama, yana isowa ya…
KALLABI
Read More

KALLABI 15

Advertisements _____ BABI NA SHA BIYAR* Wani jan numfashi take cikin tsananin tsoro da tashin hankali, idanun ta…
KALLABI
Read More

KALLABI 69

Advertisements _____ BABI NA SITTIN DA TARA *ALHAMDULILLAHI! RIJIYA TA BADA GUGA…. FATA NA GARI LAMIRI 🥰🤩* Tafiyar…